Ռուս ուսանողները, ովքեր ավարտել են մասնագիտացված բարձրագույն կրթության տարեկան ծրագիրը, առաջին անգամ ստացել են նոր նմուշի բարձրագույն կրթության դիպլոմներ, «ՌԻԱ Նովոստի»-ին հայտնել են ՌԴ կրթության նախարարությունից:
«Առաջին անգամ Տոմսկի պետական համալսարանի (ՏՊՀ), Բալթյան դաշնային համալսարանի և «МИСИС» ազգային հետազոտական տեխնոլոգիական համալսարանի 153 ուսանողներ, որոնք սովորել են մասնագիտացված բարձրագույն կրթության՝ մագիստրատուրայի տարեկան ծրագրով, այս ամառ կստանան նոր նմուշի դիպլոմներ, ոմանց արդեն հանձնել են համապատասխան փաստաթղթերը»,– հայտնել են նախարարությունում:
«МИСИС» և Ռուսաստանի Դաշնության ևս հինգ առաջատար բուհեր ընդգրկված են 2023 թվականին մեկնարկած Բարձրագույն կրթության համակարգի արդիականացման փորձնական նախագծում: Թարմացված դիպլոմը կներառի տեղեկատվություն այն մասին, թե վերապատրաստման որ ուղղությամբ է յուրացվել մասնագիտացված բարձրագույն կրթության ծրագիրը, ինչպես նաև նշվելու է ուսանողին տրված որակավորումը:
Ավելի վաղ կրթության նախարար Վալերի Ֆալկովը հայտարարել էր, որ 2025 թվականից Ռուսաստանի բարձրագույն կրթության համակարգում «բակալավր» տերմինը չի լինի, իսկ «մագիստրատուրան» կմնա, բայց բոլորովին այլ կլինի:
Նախարարը նաև հավաստիացրել է, որ մինչև այդ փոփոխությունը ուսանողների ստացած բակալավրի դիպլոմները կճանաչվեն նոր նմուշի դիպլոմների հետ միասին:
