Հիմք ընդունելով ՀՀ-ում նոր կորոնավիրուսի կանխարգելման համար հայտարարված արտակարգ դրությունը՝ Երեւանի պետական համալսարանը թույլ է տալիս այս ընթացքում ուսման վարձերը չվճարած ուսանողներին մասնակցել ուսումնական գործընթացին:
Այս մասին նշված է համալսարանի կայքէջում։
«ԵՊՀ-ն հորդորում է ուսանողներին հնարավորության դեպքում վճարել ուսման վարձը և խուսափել պարտքեր կուտակելուց։ Միևնույն ժամանակ տեղեկացնում ենք, որ ուսման վարձերի վճարման հետ կապված դժվարություններ ունեցող ուսանողներին չի արգելվի մասնակցել առցանց կազմակերպվող դասընթացներին:
Ավարտական կուրսերի ուսանողներն ուսման վարձերը պետք է վճարեն ավարտական աշխատանքների նախապաշտպանությունից առաջ:
Հիշեցնենք, որ ուսման վարձավճարը կարող եք վճարել առցանց՝ Ձեր բանկի հավելվածը ներբեռնելու, ինչպես նաև «iDram» https://www.idram.am/ վճարային համակարգի օգնությամբ»-նշված է հաղորդագրության մեջ:
ԵՊՀ բանկային վավերապայմանները.
Կազմակերպություն | «Երևանի պետական համալսարան» հիմնադրամ |
Բանկը | «Արդշինբանկ» ՓԲԸ |
Հաշվեհամարը (ՀՀ դրամ) | 2470100009060000 |
Նպատակում նշել | Ուսման վարձ, ուսանողի անունը, ազգանունը, հայրանունը, ֆակուլտետը, կուրսը, ուսուցման ձևը (առկա կամ հեռակա) |
Comment here
Դուք պետք է մուտք գործեք՝ մեկնաբանությունը ուղարկելու համար։