Նոյեմբերի 14-ին, ժամը 19:07-ին Լոռու մարզային ճգնաժամային կառավարման կենտրոն ահազանգ է ստացվել, որ երկու քաղաքացի Մարգահովիտ գյուղի Բովաքար կոչվող սարից իջնելու ճանապարհին մոլորվել են։ Տեղեկությունը հայտնում են Արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները ոստիկանության աշխատակիցների հետ համատեղ Մարգահովիտ գյուղի հյուսիսային հատվածում գտնվող սարալանջին՝ «Կարմիր խաչ» կոչվող հատվածում, հայտնաբերել են Մ․ Մ․-ին (ծնված 2007 թ․) և Մ․ Մ․-ին (ծնված 2005 թ․) և ուղեկցել անվտանգ տարածք։
Comment here
Դուք պետք է մուտք գործեք՝ մեկնաբանությունը ուղարկելու համար։