Լարված իրավիճակ Ամուլսարում. քաղաքացիները բերման են ենթարկվում

Ամուլսար տանող ճանապարհին ոստիկանների և քաղաքացիների միջև բախումից հետո ոստիկանները մասսայաբար սկսեցին բերման ենթարկել ավտոերթով այնտեղ հասած բնապահպան ակտիվիստներին եւ քաղաքացիներին։

Ավտոերթն իրականացվում է ընդդեմ հանքի շահագործման, մասնակիցները հասել են  երկրորդ հենակետին, որտեղ բազմաթիվ ոստիկաններ կան: Վերջիններս  թույլ  չեն տալիս ավտոերթի մասնակիցներին շարժվել առաջ:

Ոստիկանները պատ են կազմել և թույլ չեն տալիս երթի մասնակիցներին անցնել պահնորդական ծառայության աշխատակիցների մոտ:

Ոստիկանությունը բարձրախոսով հորդորում է դադարեցնել հավաքը, պահպանել սոցիալական հեռավորություն։

Տեղում է նաեւ Վայոց Ձորի ոստիկանապետը։