Շիրակի մարզի Գետք բնակավայրի դպրոցի երեխաներն ու ծնողները փակել են միջհամայնքային ճանապարհը։ Նրանք բողոքում են մինչև 100 աշակերտ ունեցող դպրոցները միավորելու նախագծի դեմ, հայտնում է Sputnik Արմենիան։
Նշենք, որ Գետքի դպրոցը, որն այս պահին ունի 71 աշակերտ, այն պետք է միավորվի Երազգավորսի դպրոցի հետ:
«Երկվորյակ երեխա ունեմ, որոնք Գետքի դպրոցի 11-րդ դասարանում են սովորում ու ինչ–որ մեկի քմահաճույքիով պետք է գնան ուրիշ գյուղում շարունակեն իրենց կրթությունը»,–Sputnik Արմենիայի թղթակցի հհետ զրույցում ասաց ակցիայի մասնակիցներից մեկը` Էդիտա Անդալյանը։
Նշենք, որ այս պահին իրավապահները փորձում են բացել ճանապարհը։
