Գրոսմայստեր Էմին Օհանյանը դարձավ 2026 թվականի շախմատի Եվրոպայի մինչև 20 տարեկան պատանիների առաջնության բրոնզե մեդալակիր, հայտնում են Հայաստանի շախմատի ֆեդերացիայից։
Էմինը 9 հնարավորից վաստակեց 6.5 միավոր և կիսեց 2-5-րդ հորիզոնականները՝ լրացուցիչ ցուցանիշներով զբաղեցնելով 3-րդ հորիզոնականը։
Եվս երեք հայ շախմատիստներ ընդգրկվել են առաջին տասնյակում. Ալեքս Սահակյանը 6-րդ հորիզոնականում է, Ռուդոլֆ Փաշիկյանը՝ 8-րդ, իսկ Վահե Սուքիասյանը՝ 9-րդ: Երեքն էլ վաստակել են 6-ական միավոր։
Շախմատի Եվրոպայի մինչև 20 տարեկան պատանիների առաջնությունն անցկացվում էր Մոնտենեգրոյի Ցետինե քաղաքում օգոստոսի 6-15-ը:
Մեր տելեգրամյան ալիքը՝ t.me/usanoghnews
