Հայաստանի ծանրամարտի տղամարդկանց հավաքականի անդամ, 61 կգ քաշային Գառնիկ Չոլակյանը Մոլդովայում անցկացվող Եվրոպայի առաջնությունում բրոնզե մեդալի արժանացավ երկամարտի 275 կգ արդյունքով (124+151 կգ):
Երիտասարդների աշխարհի ու Եվրոպայի առաջնությունների հաղթող Գառնիկ Չոլակյանն առաջին մեդալն է նվաճում մեծահասակների Եվրոպայի առաջնությունում:
Պոկում վարժությունում Չոլակյանը հաջող է կատարեց միայն մեկ մոտեցում, գլխավերևում պահելով 124 կգ կշռող ծանրաձողն ու այս ձևում արծաթե մեդալ նվաճել: Հրում վարժությունում Չոլակյանը դարձյալ մեկ հաջող մոտեցմամբ ցույց տվեց 151 կգ արդյունք և զբաղեցրեց 4-րդ տեղը:
Այսօր ավելի վաղ Եվրոպայի առաջնության արծաթե մեդալակիր էր դարձել Ալեքսանդրա Գրիգորյանը (55 կգ) (ու փոքր ոսկի՝ հրում վարժությունում)։
