ԳլխավորԼուր

Արցախի գազատար խողովակի վերանորոգման աշխատանքներն ավարտված են

Հայաստանից Արցախ մտնող վնասված գազատար խողովակի վերանորոգման աշխատանքներն ավարտված են, հայտնում են Արցախի տեղեկատվական շտաբից։

«Միաժամանակ տեղեկացնում ենք, որ, հաշվի առնելով գազատարի՝ 10 օր շարունակ չգործելու հանգամանքը, այժմ իրականացվում են տեխնիկական բնույթի մի շարք աշխատանքներ գազի պատշաճ և անխափան փոխադրումն ու մատուցումը բաշխիչ ցանցերին ապահովելու ուղղությամբ։

Նշված աշխատանքներն ավարտելուց հետո գազամատակարարումը կվերականգնվի։

Կրկին հորդորում ենք բոլոր բաժանորդներին պահպանել զգոնություն, որպեսզի գազամատակարարման վերականգնման պահին գազի արտահոսք ու արտակարգ պատահար տեղի չունենա»,-նշված է հաղորդագրության մեջ:

Հիշեցնենք, որ Արցախ մտնող գազատարը վթարվել է մարտի 8-ին։