ՀՀ ԱԳՆ-ն Իրանում ու Իսրայելում  թեժ գծի հեռախոսահամարներ է հրապարակել

Հայաստանի Հանրապետության արտաքին գործերի նախարարությունը հետևում է Մերձավոր Արևելքում ստեղծված իրավիճակին, նշված է ԱԳՆ-ի ֆեյսբուքյան էջում։

«ՀՀ քաղաքացիներին, որոնք գտնվում են Իրանում և Իսրայելում, հորդորում ենք պահպանել անվտանգության կանոնները և հետևել պաշտոնական ցուցումներին»,– նշել է ԱԳՆ–ն։

Գերատեսչությունը թեժ գծի հեռախոսահամարներ է հրապարակել

• Իրանում ՀՀ դեսպանության թեժ գիծ. +98 902 0059927:
• Վերջինի անհասանելի լինելու դեպքում՝ ԱԳՆ թեժ գիծ. +37455620111 (նաև WhatsApp),
• Իսրայելում ՀՀ դեսպանության թեժ գիծ. +972 58 607-0313 (նաև Whatsapp), +972585811144։

Հիշեցնենք` ԱՄՆ-ն և Իսրայելը փետրվարի 28-ի առավոտյան հարվածներ են հասցրել Իրանի տարբեր քաղաքներին։ Պայթյուններ են որոտացել ռազմական և վարչական օբյեկտների մոտակայքում։ ԱՄՆ նախագահ Դոնալդ Թրամփը հայտարարել է, որ Իրանի դեմ լայնածավալ գործողություն է սկսվել։ Նրա խոսքով՝ Վաշինգտոնը մտադիր է հողին հավասարեցնել Իրանի հրթիռային ծրագիրը, ոչնչացնել նրա ռազմածովային ուժերը և թույլ չտալ, որ Թեհրանը միջուկային զենք ստեղծի։

Իրանը պատասխան հարվածներ է հասցրել Իսրայելին ու ԱՄՆ-ի ռազմաբազաներին ու ռազմական օբյեկտներին Բահրեյնում, Քուվեյթում, ԱՄէ-ում, Սաուդյան Արաբիայում, Կատարում, Հորդանանում։