Ապրիլի 8-ին, ժամը 15։32-ին Ճգնաժամային կառավարման ազգային կենտրոն տեղեկություն է ստացվել, որ Երևանի «Մեգամոլ» առևտրի կենտրոնի տարածքում պայթուցիկ սարք է տեղադրված:
Տեղեկությունը հայտնում են ԱԻՆ-ից։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խումբը:
Փրկարարները ոստիկանության աշխատակիցների հետ համատեղ իրականացնում են տարահանման աշխատանքներ:
Ավելի վաղ ահազանգեր էին ստացվել «Մետրոնոմ» ու «Ռոսիա մոլ» առևտրի կենտրոններում պայթուցիկ սարքերի վերաբերյալ։
***
Ժ. 20.36. Տեղազննման արդյունքում պայթուցիկ սարք չի հայտնաբերվել:
