Ալյասկայի ներկայացուցիչը հաղթել է «Միսս Ամերիկա» մրցույթում, որն այս տարի անցկացվել է 100-րդ անգամ։
Արիզոնա նահանգի համալսարանի 20-ամյա ուսանողուհի Էմմա Բրոյլսը ստացել է հոբելյանական թագն ու 100 հազար դոլար պարգեւավճար։
Կոնեկտիկուտի խաղատներից մեկում անցկացված մրցույթին մասնակցել է 51 աղջիկ՝ մեկական՝ յուրաքանչյուր նահանգից, ու մեկը՝ Կոլումբիա օկրուգից։
Միջոցառումն առաջին անգամ անցկացվել էր 1921-ին՝ Ատլանտիկ Սիթիում։
