Սերբիայում ուսանողները ապրիլի 14-ի ուշ երեկոյան ցույցեր են կազմակերպել Բելգրադում և Նովի Սադում հանրային հեռարձակողների շենքերի առջև:
Ուսանողները ազգային հեռարձակողներին՝ Սերբիայի ռադիոհեռուստատեսությանը (RTS) Բելգրադում և Վոյվոդինայի ռադիոհեռուստատեսությանը (RTV) Նովի Սադում, մեղադրում են իրենց շարժումն ու բողոքի ակցիաներն անտեսելու մեջ:
Սերբիայում ուսանողների և ընդդիմության զանգվածային բողոքի ակցիաները սկսվել են 2024 թ. նոյեմբերին, երբ 15 մարդ զոհվեց Նովի Սադում երկաթուղային կայարանի կառամատույցում տեղի ունեցած փլուզման հետևանքով: Ցուցարարները պահանջում էին կայարանի վերակառուցման վերաբերյալ ամբողջական փաստաթղթերի հրապարակում, քրեական պատասխանատվություն ողբերգության մասնակից պաշտոնյաների նկատմամբ և հետապնդումից ազատում բողոքի ակցիաների ժամանակ բոլոր ձերբակալվածներին:
Հակակառավարական ցույցերից երեք ամիս անց հրաժարական տվեց վարչապետ Միլոշ Վուչևիչը։
2025 թ. մարտի 9-ին բողոքի ակցիայի մասնակիցները բաց նամակ են հղել Սերբիայի քաղաքացիներին՝ կոչ անելով ամբողջությամբ փոխել երկրի կառավարման համակարգը։
