Կառավարության նիստում քննարկվում էր ՀՊՏՀ-ի ռեկտորի ընտրության հարցը

Կառավարության այսօրվա նիստի օրակարգի վերջին՝ 63-րդ կետը վերաբերում էր Հայաստանի պետական տնտեսագիտական համալսարնի ռեկտորի ընտրությունների արդյունքներին։

Կրթության, գիտության, մշակույթի եւ սպորտի նախարար Վահրամ Դումանյանը ներկայացնելով հարցը նշեց, որ 5 ամիս առաջ՝ հուլիսի 17-ին տեղի ունեցած ընտրությունների արդյունքները, ըստ որի բուհի ռեկտոր է ընտրվել Դիանա Գալոյանը, չհաստատելու որեւէ փաստաթղթային, իրավական հիմք չկա, ինչպես նաեւ նշելով, որ առաջնային պետք է համարել բուհի շահն ու չանձնավորել խնդիրը։

ՀՀ աշխատանքի և սոցիալական հարցերի նախարար Մեսրոպ Առաքելանը (որը ՀՊՏՊ-ի հոգաբարձուների խորհրդի անդամ է նշանակվել, երբ դեռ վարչապետի խորհրդական էր), սակայն, հայտարարեց, որ հաշվի առնելով խոհրդի որոշման հետ կապված դատական որոշումները, նաեւ այդ հարցով ԿԳՄՍ նախարարության դեմ ներկայացված դատական հայցը, պետք է հարցը լրացուցիչ ուսումնասիրվի՝ իրավական հետագա խնդիրներ չունենալու համար։

Նիստը վարող փոխարչապետ Տիգրան Ավինյանի առաջարկով հարցը հանվեց օրակարգից՝ մեկշաբաթյա ժամկետում աշխատակազմում քննարկելու եւ կրկին հաստատման ներկայացնելու համար։