ԳլխավորՄի կտոր գիրք

Վիկտոր Հյուգոյի ծննդյան օրն է. մի քանի մտքեր՝ ֆրանսիացի գրողից

Այսօր ֆրանսիացի գրող, «Մահապատժի դատապարտվածի վերջին օրը», «Փարիզի Աստվածամոր տաճարը» եւ բազաթիվ այլ ստեղծագործությունների հեղինակ Վիկտոր Հյուգոյի ծննդյան օրն է (26.02.1802-22.05.1885)։

Ստորեւ ներկայացնում ենք նրա մի քանի աֆորիզմային մտքերը։

 ***

Մարդուն փոխելու համար պետք է սկսել նրա տատիկից։

***

Կյանքում ամենամեծ երջանկությունը վստահությունն է, որ մեզ սիրում են, սիրում են այն բանի համար, որ մենք այսպիսին ենք, ինչպիսին կանք, կամ չնայած նրան, որ մենք այնպիսին ենք, ինչպիսին կանք։

***

Տղամարդկանց մոտ սիրո առաջին նշանն անհամարձակությունն է, կանանց մոտ սիրո առաջին նշանը համարձակությունն է։

***

Միտքը հարստանում է նրանից, ինչ ստանում է, սիրտը հարստանում է նրանից, ինչ տալիս է։

***

Որոշ մտքեր աղոթքների են նման։ Կան պահեր, երբ հոգին, անկախ մարմնի դիրքից, ծնկաչոք է։

***

Ոչ ոք այնպիսի խանդով չի հետեւում ուրիշների արարքներին, ինչպես նրանք, ում այդ արարքներն ամենաքիչն են վերաբերվում։

***

Կանայք անչափ սիրում են փրկել նրան, ով իրեն կկործանի։

***

Մարդը երեք բնավորություն ունի. այն, ինչ նրան վերագրում են շրջապատի մարդիկ, այն, որն ինքն է իրեն վերագրում եւ այն, ինչն իսկապես ունի։

***

Անտարբերությունը ողջամտություն է։ Մի շարժվեք, դրա մեջ է ձեր փրկությունը։ Ձեւացեք մահացած, եւ ձեզ չեն սպանի։ Դրան է հանգում միջատի իմաստունությունը։

***

Անքնությունը գիշերվա բռնությունն է մարդու նկատմամբ։

***

Մարդկային բոլոր արարքներին կարելի է երկակի վերաբերվել. այն, ինչի համար խարազանում են մեկին, մյուսին դափնեպսակով են պարգեւատրում։

***

Հաճոյախոսել կնոջը նույնն է, թե նրան համբուրես դիմաքողի վրայից։

***

Պետք է կարողանալ հաճախ ենթարկվել կնոջը, որպեսզի ժամանակ առ ժամանակ իրավունք ունենաս նրան ենթարկեցնելու։

***

Կարելի է անտարբեր վերաբերվել թշնամու դանակի հարվածին, բայց տառապել մոտիկ մարդու ասեղի ծակոցից։

***

Եթե ինչ-որ մեկը վիրավորել է քեզ, վրեժ լուծիր տղամարդավարի։ Հանգիստ մնա, եւ դա կլինի քո վրեժխնդրության սկիզբը, իսկ հետո ներիր, եւ դա կլինի վրեժխնդրությանդ վերջը։

 

Comment here