Սլովակիայի մայրաքաղաք Բրատիսլավայում ընթացող ազատ ոճի ըմբշամարտի Եվրոպայի առաջնությունում 70 կգ քաշային Արման Անդրեասյանը եզրափակիչում պարտվեց Ռուսաստանը ներկայացնող Դավիթ Բաևին ու դարձավ Եվրոպայի փոխչեմպիոն:
Կիսաեզրափակիչ գոտեմարտում Եվրոպայի գործող չեմպիոն Անդրեասյանը 3։1 հաշվով առավելության էր հասել վրացի Ակակի Կեմերտելիձեի նկատմամբ։
Անդրեասյանը եզրափակիչ իր ուղին սկսելէ 1/8-ից, որտեղ հաղթել է լեհ ըմբիշ Մատեուշ Լուշչինսկուն: Քառորդ եզրափակիչում Արմանն ուժեղ էր ուկրաինացի Ալեքսեյ Բորուտից։
Նշենք, որ ազատ ոճի ըմբշամարտի Եվրոպայի առաջնությունը Բրատիսլավայում մեկնարկել է ապրիլի 7-ին և կավարտվի ապրիլի 9-ին:
Մեր տելեգրամյան ալիքը՝ t.me/usanoghnews
