Times Higher Education World University Rankings-ը հրապարակել է աշխարհի համալսարանների 2026 թ. վարկանիշային ցանկը։
Աշխարհի լավագույն համալսարանների ցանկը, որոնք վայելում են ուսանողների, գիտնականների, կառավարությունների և ոլորտի փորձագետների վստահությունը, ներառում է 2191 ուսումնական հաստատություն 115 երկրներից և տարածաշրջաններից:
Օքսֆորդը տասներորդ տարին անընդմեջ պահպանում է առաջին տեղը հետազոտական միջավայրի բարձր ցուցանիշների շնորհիվ։
Փրինսթոնը բարձրացել է երրորդ տեղ ՝ դառնալով ԱՄՆ-ի միակ համալսարանը, որն այս տարի լավագույն արդյունքն է գրանցել։
Չինաստանը լավագույն 40 համալսարանների ցանկում ունի հինգ համալսարան ՝ նախորդ տարվա երեք համալսարանների փոխարեն, բայց համալսարանների վարկանիշը մնում է կայուն։
Հոնկոնգը ռեկորդային վեց տեղ է զբաղեցնում լավագույն 200-յակում ՝ դասավանդման ցուցանիշների բարելավման շնորհիվ։
Հնդկաստանը վարկանիշում առաջին անգամ երկրորդ տեղն է զբաղեցրել համալսարանների քանակով ՝ զիջելով միայն ԱՄՆ-ին։
Եվ այսպես.
Առաջին տեղում 98.2 միավորով Օքսֆորդի համալսարանն է (Մեծ Բրիտանիա), երկրորդ տեղում՝ ԱՄՆ-ի Մասաչուսեթսի տեխնոլոգիական ինստիտուտը (97.7), երրորդում՝ Փրինսթոնի համալսարանը (ԱՄՆ, 97.2)։
Առաջին տասնյակում են նաև Քեմբրիջի համալսարանը (Մեծ Բրիտանիա, 97.2), Հարվարդի համալսարանը (ԱՄՆ, 97.1), Սթենֆորդի համալսարանը (ԱՄՆ, 97.1), Կալիֆոռնիայի տեխնոլոգիական ինստիտուտը (ԱՄՆ, 96.3), Լոնդոնի արքայական քոլեջը (Մեծ Բրիտանիա, 94.7), Կալիֆոռնիայի Բերկլիի համալսարանը (ԱՄՆ, 94.4), Եյլի համալսարանը (ԱՄՆ, 94.1)։
Հայաստանի բուհեր
2026 թ. վարկանիշային ցանկում 1501+ հորիզոնականից հետո ներառված են ՀՀ 6 բուհ՝ Երևանի պետական համալսարանը, Հայաստանի ազգային ագրարային համալսարանը, Հայաստանի պետական տնտեսագիտական համալսարանը, Հայաստանի եվրոպական համալսարանը, Հայաստանի ազգային պոլիտեխնիկական համալսարանը, Շիրակի պետական համալսարանը։ Վերջինս «նորեկ» է վարկանիշային այս ցանկում։
Երևանի պետական բժշկական համալսարանը այս տարի տեղ չի գտել ցանկում։
Հայաստանի հարևան երկրներ
Ադրբեջանի 15 բուհ ընդգրկված է 801-1000-ից 1501+ հորիզոնականում, Վրաստանից՝ 5 բուհ (1 բուհ՝ 1201-1500, 4-ը՝ 1501+), Իրանից՝ 100 բուհ (351-ից 1500+), 138 բուհ Թուրքիայից (301-ից 1501+)։
Ամբողջական ցանկը՝ այստեղ։
Մեր տելեգրամյան ալիքը՝ t.me/usanoghnews
