ԱՄՆ-ի ավագ դպրոցներում սովորելու հնարավորություն. հայտերի ընդունումը մեկնարկել է

Հայաստանի դպրոցականները կարող են մեկ տարի սովորել ԱՄՆ-ում։ Հայաստանում  ԱՄՆ-ի դեսպանատունը հաղորդագրություն է տարածել.

«Ցանկանո՞ւմ եք ծանոթանալ ԱՄՆ-ի ավագ դպրոցի կյանքին։ Շտապեք դիմել «Ապագա առաջնորդների- FLEX» ծրագրին, որի հայտերի ընդունումն 2027-28 ուստարվա համար արդեն մեկնարկել է։

Ամբողջությամբ ֆինանսավորվող այս փոխանակման ծրագիրը դպրոցականներին հնարավորություն է տալիս մեկ տարի սովորել ամերիկյան ավագ դպրոցում, անմիջականորեն ծանոթանալ ամերիկյան մշակույթին և ձեռք բերել նոր ընկերներ։

Ո՞վ կարող է դիմել։ Դպրոցականներ Հայաստանից, որոնք

• ծնվել են 2009 թ. հուլիսի 15-ից մինչև 2011 թ. դեկտեմբերի 31-ն ընկած ժամանակահատվածում, և
• ներկայումս սովորում են 9–11-րդ դասարաններում կամ քոլեջի 1–3-րդ կուրսերում (համարժեք 9–11-րդ դասարաններին)։

Քոլեջի ավարտական կուրսի ուսանողները չեն կարող դիմել։

Հայտերի ընդունման վերջնաժամկետը ս․թ․ հոկտեմբերի 22-ն է»,-նշված է հաղորդագրության մեջ։