Դատարանի որոշմամբ՝ Apple-ը եւ Broadcom-ը 1,1 մլրդ դոլար պետք է վճարեն Կալիֆոռնիայի տեխնոլոգիական ինստիտուտին

Apple եւ Broadcom ընկերությունները պարտավոր են 1,1 միլիարդ դոլար վճարել Կալիֆոռնիայի տեխնոլոգիական ինստիտուտին՝ անհաղորդալար ճանապարհով տվյալների փոխանցման բնագավառում մշակումների արտոնագրային իրավունքների խախտման համար, երդվյալների ժյուրիի վճռի մասին տեղեկացնում է ՏԱՍՍ-ը։

Փոխհատուցման չափը մեծությամբ վեցերորդն է արտոնագրային վեճերի պատմության մեջ:

Apple-ը եւ Broadcom-ը, որոնք կիսահաղորդիչների եւ միկրոպրոցեսորների խոշորագույն արտադրողներից են, հայտարարել են երդվյալների վճիռը բողոքարկելու մտադրության մասին: