Հայաստանի ներկայացուցիչներ Էլմիրա Կարապետյանը և Բենիկ Խլղաթյանը դարձել են աշխարհի գավաթի արծաթե մեդալակիր, հայտնում են Հայաստանի հրաձգության ֆեդերացիայից։
Գերմանիայի Մյունխեն քաղաքում ընթացող մրցումների եզրափակիչում նրանք 10 մետր օդամղիչ ատրճանակ միքս մրցաձևում 4:16 հաշվով զիջել են Չինաստանի ներկայացուցիչներին։
Ավելի վաղ Խլղաթյան-Կարապետյան զույգը հանդես էր եկել անհատական հաշվարկում և զբաղեցրել համապատասխանաբար 9-րդ և 12-րդ տեղերը:
Նշենք, որ այս տարվա մարտին Էլմիրա Կարապետյանը դարձել էր Եվրոպայի փոխչեմպիոն: Եվրոպայի առաջնության որակավորման փուլում նա գրավել էր առաջին տեղը՝ սահմանելով Եվրոպայի ռեկորդ:
Բենիկ Խլղաթյանն ու էլմիրա Կարապետյանն աշխարհի գավաթի արծաթե մեդալակիր էին դարձել նաև 2024 թվականին:
Մեր տելեգրամյան ալիքը՝ t.me/usanoghnews
