Հայտնի են «Օսկար»-ի մրցանակակիրները

95-րդ «Օսկար» մրցանակաբաշխության «Լավագույն ռեժիսոր» անվանակարգում հաղթող ճանաչվեցին Դենիել Կուանն ու Դանիել Շեյներտը «Ամեն ինչ, ամենուր և միանգամից» ֆիլմի համար:

«Լավագույն դերասան» ճանաչվեց Բրենդան Ֆրեյզերը «Կետը» ֆիլմի համար:

Միշել Յեյոն արժանացավ «Օսկարի» «Լավագույն դերասանուհի» անվանակարգում՝ «Ամեն ինչ, ամենուր և միանգամից» ֆիլմում գլխավոր դերակատարման համար` դառնալով առաջին ասիացի կինն ով հաղթեց անվանակարգում:

«Լավագույն ֆիլմ» ճանաչվեց Դենիել Կուանի և Դանիել Շեյներտի «Ամեն ինչ, ամենուր և միանգամից» ֆիլմը:

Մյուս մրցանակակիրները.

Երկրորդ պլանի լավագույն դերասանուհի՝ Ջեյմի լի Քերթիս («Ամեն ինչ ամենուր և միանգամից»),

Երկրորդ պլանի լավագույն դերասան Կե Հուի Կուան (Ամեն ինչ ամենուր և միանգամից»),

Լավագույն երգ` «Naatu Naatu» («RRR. Մոտակայքում մռնչում է հեղափոխությունը»),

Լավագույն արտասահմանյան ֆիլմ՝ «Արևմտյան ճակատում նորություն չկա», ռեժիսոր՝ Էդվարդ Բերգեր,

Լավագույն անիմացիոն ֆիլմ՝ «Պինոկիո Գիլերմո դել Տորո»,

Լավագույն օպերատոր ՝ Ջեյմս Ֆրենդ («Արևմտյան ճակատում նորություն չկա»),

Լավագույն տեսողական էֆեկտներ` «Ավատար. ջրի ուղին»,

Լավագույն օրիգինալ սցենար` «Ամեն ինչ ամենուր և միանգամից»,

Լավագույն ադապտացված սցենար`«Խոսում են կանայք»,

Լավագույն մոնտաժ` Փոլ Ռոջերս, «Ամեն ինչ ամենուր և միանգամից»,

Լավագույն օրիգինալ սաունդթրեք` «Արևմտյան ճակատում նորություն չկա»,

Լավագույն կարճամետրաժ անիմացիոն ֆիլմ՝ «Տղան, խլուրդը, աղվեսը և ձին»,

Լավագույն կարճամետրաժ խաղարկային ֆիլմ` «Հրաժեշտ իռլանդական ձևով»,

Լավագույն կարճամետրաժ վավերագրական ֆիլմ`«Փղերին հմայողները»,

Բեմադրող նկարչի լավագույն աշխատանք` «Արևմտյան ճակատում նորություն չկա»,

Լավագույն կոստյումներ` Ռութ Է. Քարտեր («Սև հովազ. Հավերժ Վականդա»,

Լավագույն գրիմ` «Կետ» (Ադրիան Մորո, Ջուդի Չին, Անեմարի Բրեդլի)։