Այսօրվանից մեկնարկել է բուհական ընդունելության միասնական քննությունների 3-րդ փուլը, հիշեցնում է ԳԹԿ մամուլի քարտուղար Խաչանուշ Գրիգորյանը։
Քննական մեկ կենտրոն է ձևավորված՝ թիվ 189 ավագ դպրոցում։ Այսօր ռուսաց լեզվի և քիմիայի քննությունն էր։ Ներկայացել էր ռուսերեն հայտագրած 4-ից 3-ը և քիմիա հայտագրած 30-ից 29-ը։
ԳԹԿ-ն ներկայացրել է թեստերն ու ճիշտ պատասխանները։
«Ռուսաց լեզու»
«Քիմիա»
Վաղն օտար լեզուներն են՝ անգլերեն հանձնողների նախնական թիվը 47 է, գերմաներեն՝ 1։ Այլ օտար լեզուներ հայտագրողներ այս փուլում չկան։
Հուլիսի 6-ին մաթեմատիկան է, հայտագրվածները 50-ն են։
Հուլիսի 7-ին հայոց լեզու և հայ գրականություն պետք է հանձնի 33 դիմորդ։
29 հոգի ամսի 8-ին կենսաբանություն է հանձնելու, աշխարհագրություն հայտագրողներ չկան, և քննաշրջանը եզրափակվում է հուլիսի 9-ին՝ ֆիզիկայի (9 դիմորդ) և հայոց պատմության (13 դիմորդ) քննությամբ։
Մրցույթի արդյունքները՝ միասնական քննությունների երեք փուլերի արդյունքներով, հրապարակվելու են հուլիսի 18-ին, որից հետո տեղի կունենա մրցույթի լրացուցիչ փուլը թափուր մնացած տեղերի համար: Այս մրցույթին մասնակցել կարող են դրական գնահատականներ ստացած և հիմնական մրցույթից դուրս մնացածները: Լրացուցիչ մրցույթում դիմորդը կարող է նշել 6 մասնագիտություն, մրցույթը ըստ հայտերի հերթականության է:
