Սիրիայի զինված ընդդիմությունը հայտարարել է, որ իր զինյալները գրավել են մայրաքաղաք Դամասկոսը, իսկ նախագահ Բաշար ալ-Ասադը փախել է երկրից։
«Հայաթ Թահրիր ալ-Շամի» զինված խմբավորման հրամանատար Աբու Մուհամմեդ ալ-Ջուլանին հայտարարել է, որ բոլոր կառավարական հաստատությունները կմնան վարչապետի ենթակայության տակ, քանի դեռ պաշտոնապես չեն հանձնվել:
Reuters լրատվական գործակալությունը, վկայակոչելով բանակի բարձրաստիճան սպաներին, այսօր վաղ առավոտյան հայտնել է, որ Ասադն ինքնաթիռով մեկնել է անհայտ ուղղությամբ։
Դամասկոսում ՀՀ դեսպանության դիվանագիտական անձնակազմն իր աշխատանքները ժամանակավորապես կշարունակի Բեյրութից, հայտնել են ԱԳՆ-ից։
Ավելի վաղ հաղորդվել էր, որ դեկտեմբերի 14-ին Դամասկոս-Երևան չվերթ է նախատեսված, և սիրիահայերի առաջին խումբը կժամանի Հայաստան։ Իսկ այսօր պարզ դարձավ, որ Դամասկոսի օդանավակայանը դադարեցրել է աշխատանքը։
Ասադների ընտանիքը Սիրիայում իշխանություն էր ավելի քան 53 տարի` Հաֆեզ ալ-Ասադ՝ 1971թ.-2000թ., Բաշար ալ-Ասադ՝ 2000թ.-2024թ.։
Նոյեմբերի 27-ին թուրքամետ «Հայաթ Թահրիր աշ-Շամ» խմբավորման զինյալները խախտել են ապաէսկալացիայի մասին համաձայնագիրը և հարձակում սկսել Սիրիայի Հալեպ և Իդլիբ նահանգների վրա: Դեկտեմբերի 1-ին արմատականներին հաջողվել է գրեթե ամբողջությամբ վերահսկողության տակ վերցնել Հալեպ քաղաքը։
