Փետրվարի 17-18-ին Ծաղկաձորում ԵՊՀ Ուսանողական խորհրդի կողմից կազմակերպված երկօրյա ֆորումին մասնակցել են Հայաստանի 19 համալսարանների ՈւԽ ներկայացուցիչներ: Ֆորումի շրջանակներում ՈւԽ նախագահները փոխանակվել են փորձով ու քննարկել են հետագա համատեղ նախագծեր, տեղեկանում են Հայաստանի ֆրանսիական համալսարանից։
Որոշվել է ՀՀ բարձրագույն ուսումնական հաստատությունների ուսանողական խորհուրդների միասնական հարթակ ստեղծել, որը կհամախմբի ՀՀ ուսանողների խնդիրների բարձրաձայնմանն ու լուծմանն ուղղված ջանքերն ու նախաձեռնությունները և կապահովի ՀՀ բարձրագույն ուսումնական հաստատությունների ուսանողական խորհուրդների միջև փոխգործակցությունն ու փորձի փոխանակումը:
