Հայաստանի պատմության թանգարանում «Անահիտից Մարիամ. Մայր Աստվածություն» ցուցադրությունը, որի շրջանակներում կարող եք դիտել Անահիտ աստվածուհու արձանից պահպանված մասերը, երկարաձգվել է մինչև ապրիլի 10-ը։
Այս մասին ֆեյսբուքյան էջում գրել է ԿԳՄՍ նախարար Ժաննա Անդրեասյանը։
«Հիշեցնեմ, որ մուտքը հասանելի է դպրոցականների համար բաժանորդային ծրագրով և քանի որ առաջիկա շաբաթն արձակուրդային է, հուսամ կհասցնեք բոլորդ այցելել թանգարան»,-գրել է նա։
Գրառման մեկնաբանություններում, սակայն, օգտարերերից մեկը գրել է
«Անահիտ աստվածուհուն պատկանող ցուցադրությանը թույլ չեն տալիս դպրոցական բաժանորդային տոմսերով, ինքս ուղեկցել եմ աշակերտներին և ստացել պատասխան, որ Անահիտին նվիրված ցուցադրությունը տեսնելու համար յուրաքանչյուրը պետք է վճարեն 4000 դրամ»։
Հիշեցնենք, որ միջազգային ցուցահանդեսը Հայաստանի պատմության թանգարանում բացվել է 2024 թ. սեպտեմբերի 21-ին՝ 6 ամսով։ Հայաստանում առաջին անգամ ցուցադրվում են Բրիտանական թանգարանից Հայաստանի պատմության թանգարան բերված Ք․ ա․ II-I դդ․ թվագրվող Անահիտ աստվածուհու արձանից պահպանված բրոնզե գլուխն ու ձեռքը:
