Բեռնարդ Շոու. «Մենք իրավունք չունենք երջանկություն սպառել՝ չարտադրելով այն»

Ներկայացնում ենք իռլանդական ծագումով անգլիացի դրամատուրգ, թատերական քննադատ, Նոբելյան մրցանակակիր Ջորջ Բեռնարդ Շոուի (26.07.1856-2.11.1950) մտքերից

***

• Աշխարհը կազմված է անբաններից, որոնք ցանկանում են փող ունենալ՝ չաշխատելով, եւ հիմարներից, որոնք պատրաստ են աշխատել ու չհարստանալ։

• Հեղափոխությունները երբեք չեն թեթեւացնում բռնապետության լուծը. դրանք միայն այդ լուծը մեկի ուսերից վերցնելով՝ դնում են ուրիշների ուսերին։

• Կատակելու իմ մեթոդը ճշմարտությունն ասելն է։ Աշխարհում դրանից ծիծաղելի բան չկան։

• Հաջողության գաղտնիքը որքան հնարավոր է շատ մարդկանց շփոթեցնելու մեջ է։

• Մարդիկ ավելի շատ հետաքրքրվում են այնպիսի բաներով, որոնք ընդհանրապես իրենց չի վերաբերում։

• Եթե դուք սկսեք ինքնազոհաբերմամբ հանուն նրանց, ում սիրում եք, ապա կավարտեք ատելությամբ նրանց նկատմամբ, ում ձեզ զոհաբերել եք։

• Մենք իրավունք չունենք երջանկություն սպառել՝ չարտադրելով այն։

• Անպարկեշտություն կարելի է գտնել ցանկացած գրքում, բացառությամբ հեռախոսագրքի։

• Կենսագրություն կարդալիս հիշեք, որ ճշմարտությունը երբեք պիտանի չէ հրապարակման համար։

• Կատարյալ ամուսինը նա է, ով կարծում է, որ իր կինը կատարյալ է։

• Կարողանալ տանել մենակությունն ու դրանից բավականություն ստանալ՝ մեծ շնորհ է։

• Երբեմն պետք է ծիծաղեցնել մարդկանց, որպեսզի նրանք շեղվեն ձեզ կախելու մտքից։

• Ատելությունը վախկոտի վրեժն է՝ իր ապրած վախի համար։

• Գողը նա չէ, ով գողանում է, այլ նա, ով բռնվել է։

• Եթե երբեւիցե, ընկնելով երջանկության ետեւից, գտնեք այն, ապա կտեսնեք, որ նման եք այն ծեր կնոջը, ով միշտ փնտրում է ակնոցը, որն իր քթին է։

• Ծերանալը տխուր է, բայց դա երկար ապրելու միակ միջոցն է։

• Նա, ով կարողանում է՝ անում է, ով չի կարողանում՝ խորհուրդներ է տալիս։

• Միակ դասը, որ կարելի է քաղել պատմությունից, այն է, որ մարդիկ երբեք դասեր չեն քաղում պատմությունից։

• Մարդը աղյուսի նման է. որքան այրվում է՝ այնքան ավելի թրծված է դառնում։

• Սովորեք ձեռք բերել այն, ինչ սիրում եք, այլապես ստիպված կլինեք սիրել այն, ինչ ստացել եք։

• Այժմ, երբ մենք սովորել ենք թռչել օդում ինչպես թռչունը եւ ձկան պես լողալ ջրում, մեզ չի բավականացնում միայն մի բան. մարդավարի ապրել ցամաքի վրա։

• Եթե սովորել ես խոսել՝ ուրեմն մեծացել ես, եթե սովորել ես լռել՝ ուրեմն իմաստնացել ես։