Հունվարի 24-ին Հայաստանում մեկնարկել է 2026/2027 ուստարվա միասնական քննությունների առաջին փուլը, որին մասնակցելու համար հայտագրվել է 12 538 մարդ։
Վաղը՝ հունվարի 25-ին, հանրապետության 16 քննական կենտրոններում (5-ը՝ մայրաքաղաքում) դիմորդները քննություն կհանձնեն «Ֆիզիկա» ու «Ռուսաց լեզու» առարկաներից, Usanogh.am-ին հայտնեց Գնահատման և թեստավորման կենտրոնի մամուլի քարտուղար Խաչանուշ Գրիգորյանը։
Հայտագրվել է 1245 դիմորդ, որոնցից «Ֆիզիկա»՝ 963 (Երևանում՝ 442, մարզերում՝ 521), «Ռուսաց լեզու»՝ 282-ը (Երևանում՝ 69, մարզերում՝ 213)։
Քննության գնահատականները հայտնի կդառնան 5-րդ օրը: Բողոքարկումը քննության 6-րդ օրն է լինելու՝ մինչև ժ. 18.00-ն։
Հիշեցնենք, որ 2026/2027 ուստարվա բուհերի ընդունելության առաջին փուլի միասնական քննությունները անցկացվում են հունվարի 24-ից փետրվարի 8-ը։
Մեր տելեգրամյան ալիքը՝ t.me/usanoghnews
