ԳլխավորՄի կտոր ժպիտ

Մի կտոր ժպիտ-2

Սրճարանում նստած ամուսնական զույգին է մոտենում մի աղջիկ, համբուրում է տղամարդուն եւ հեռանում է։ Ապշահար կինը դիմում է ամուսնուն.

– Ի՞նչ է սա նշանակում, ո՞վ էր այդ աղջիկը։

– Լավ, վերջացրու,-պատասխանում է ամուսինը,-ես հիմա մտածում եմ, թե ինչ եմ իրեն ասելու քո′ մասին։

***

– Դուք շատ լարված եք, պետք է թուլանաք, լիցքաթափվեք։ Այդպիսի դեպքերում, ես, օրինակ, կնոջս հետ գնում եմ ռեստորան…

– Շնորհակալություն խորհրդի համար, բժիշկ, ես այդպես էլ կանեմ։ Կասե՞ք Ձեր կնոջ հեռախոսահամարը։

***

Երեկոյան ամուսինն ասում է կնոջը.

– Լսիր, արի այս գիշեր թռչկոտենք մահճակալի վրա։ Թող հարեւանները մտածեն, որ սեքսով ենք զբաղվում…

Առավոտյան կինն է դիմում ամուսնուն.

– Լսիր, գդալով ուժեղ թխթկացրու ափսեին։ Թող հարեւանները կարծեն, որ ես քեզ նախաճաշ եմ տվել…

***

«Ես ամուսնացել եմ 2 անգամ, երկուսն էլ՝ անհաջող։ Առաջին կինս հեռացավ ինձնից, իսկ երկրորդը՝ ոչ»։

***

-Վերջ, ամուսնանում եմ։ Հոգնել եմ թափթփված բնակարանից, չլվացած ամաններից ու ճմռթված տաբատներից։

– Իսկ ես բաժանվում եմ։ Հենց այդ նույն պատճառներով…

***

Կինը գործուղման վայրից sms է ուղարկում ամուսնուն. «Մի մոռացիր, որ դու իմ ամուսինն ես»։

Մի քանի ժամից ամուսնուց պատասխան է գալիս.

«Կներես, բայց հաղորդագրությունդ ուշ ստացա»։

***

Հարեւանը հարցնում է հարեւանին.

– Գիտե՞ս որն է տնական շամպայնը։

– Չէ։

– Երբ դու օղի ես խմում, իսկ կինդ ֆշշացնում է։

Comment here