ԳլխավորԺամանցՄի կտոր ժպիտ

Մի կտոր ժպիտ-4

Նորահարսը դիմում է ամուսնուն.

-Գիտես, սիրելիս, ես չեմ կարող միանգամից հրաժարվել իմ աղջկական սովորություններից։

– Պետք էլ չէ։ Դու շարունակիր փող ուզել հայրիկիցդ։

***

Հայրը հարսանիքի նախօրեին զրուցում է որդու հետ.

-Լսիր, տղաս, ես 2 շատ կարեւոր խորհուրդ եմ ուզում քեզ տալ։ Առաջինը՝ այս գլխից կնոջդ հետ կպայմանավորվես, որ շաբաթը մեկ անգամ մինչեւ լույս անց ես կացնելու ընկերների հետ։

-Լավ, հայրիկ, իսկ ո՞րն է երկրորդ խորհուրդը։

-Երբեք այնքան հիմար չլինես, որ այդ գիշերը ընկերներիդ հետ անցկացնես։

***

-Սիրելիս, այսօր մեր ամուսնության տարեդարձն է, գուցե գոճի՞ մորթենք։

-Գոճին ի՞նչ կապ ունի։ Եղբորդ է պետք մորթել, այդ նա մեզ ծանոթացրեց։

***

-Հետաքրքիր է, իսկ քո ամուսինը հիշո՞ւմ է ձեր ամուսնության օրը։

-Բարեբախտաբար՝ ոչ։

-Իսկ ինչո՞ւ «բարեբախտաբար»։

-Որովհետեւ տարվա մեջ մի քանի անգամ ես նրան հիշեցնում եմ այդ մասին ու նվերներ եմ ստանում։

***

Աղջիկը՝ ընկերոջը.

-Խմո՞ւմ ես։

-Չէ։

-Ծխո՞ւմ ես։

-Չէ։

-Մոլեխաղե՞ր։

-Չէ։

-Այսինքն դու թերություն չունե՞ս։

-Մենակ մեկը. սիրում եմ սուտ խոսել։

***

Ընտանեկան հերթական վիճաբանության ժամանակ հայրը գոռում է.

-Ո՞վ է վերջապես ընտանիքի գլխավորը։ Ի՞նչ անեմ, որ լսեք ինձ։

Երեքամյա որդին  խորհուրդ է տալիս.

-Պապ, իսկ դու բարձր լաց եղիր։

***

-Պարոն տնօրեն, ես պետք է խնդրեմ ձեզ գոնե մի քիչ աշխատավարձս բարձրացնեք։ Ես մի քանի օր առաջ ամուսնացել եմ։

-Շատ ցավում եմ, հարգելիս, բայց տնօրինությունը պատասխանատվություն չի կրում աշխատակիցների հետ դրսում տեղի ունեցած դժբախտությունների համար։

***

Յուրաքանչյուր մայր հույս է փայփայում, որ իր աղջիկն ավելի լավ ամուսին կգտնի, քան ինքը, բայց եւ հավատացած է, որ իր որդին երբեք չի գտնի այնպիսի լավ կին, ինչպիսին ունի նրա հայրը։

***

Զրուցում են 2 երիտասարդ մայրեր։

-Դուք քանի՞ երեխա եք ուզում ունենալ։

-Չորս… ոչ ավելի։

-Ինչո՞ւ։

-Ես ինչ-որ տեղ կարդացել եմ, որ աշխարհում յուրաքանչյուր հինգերորդը չինացի է։

***

-Սիրելիս, դու չե՞ս կարծում, որ սպիտակ գույնն ինձ գիրացնում է։

-Իմ կարծիքով ոչ թե սպիտակ գույնն է մեղավոր, այլ որ դու օրվա ընթացքում 15 անգամ հաց ես ուտում։

***

-Իմ կարծիքով՝ կինս միտք ունի բաժանվել ինձնից։

-Ինչո՞ւ ես այդպես մտածում։

-Երեկ նա մեր տուն էր եկել ընկերուհու հետ։

-Հետո ինչ։

-Հետո ի՞նչ։ Դու պարզապես չես պատկերացնում, թե այդ ընկերուհին ինչ գեղեցկուհի էր։

Comment here