Ներկայացնում ենք լեհ բանաստեղծ, գրող-երգիծաբան և աֆորիզմների հեղինակ Ստանիսլավ Եժի Լեցի (6 մարտի, 1909 – 7 մայիսի, 1966) մտքերից։
***
• Անելանելի ենք անվանում այն իրավիճակը, որից դուրս գալու ելքը մեզ դուր չի գալիս։
• Որոշ մարդկանց հետ շփվելուց հետո ինձ մոտ լիարժեքության հստակ արտահայտված բարդույթ է առաջանում։
• Սատանան չի քնում: Ում հետ պատահի:
• Առասպելներ ստեղծեք ձեր մասին: Աստվածներն էլ են այդպես սկսել։
• Երբ ես մտածում էի, որ արդեն վերջ՝ հասել եմ հատակին, ներքևից թակոց լսեցի:
• Միայն նրանք են խելագարվում, ովքեր խելք ունեն:
• Խաղաղության երաշխիքը՝ թաղել պատերազմի կացինը թշնամու հետ միասին:
• Քեզ միևնույն է կվաճառեն, դու միայն քո արժեքը բարձրացրու։
• Նույն ուղեղով մտածե՞լ ու հավատա՞լ։
• Պատահում է, որ ապրելդ չի գալիս, բայց դա չի նշանակում, որ ուզում ես մեռնել։
• Քանի դեռ քամի չկա, հողմացույցն էլ իր բնավորությունն ունի:
• Մի կորցրեք ձեր գլուխը: Մեկ էլ տեսաք՝ կյանքը կցանկանա շոյել այն:
• Երբեմն պետք է լռել, որպեսզի քեզ լսեն։
• Ամենից հաճախ ելքը այնտեղ է, որտեղ մուտքն էր:
• Սատանայի ուժը նրա հրեշտակային համբերության մեջ է:
• Ասենք թե գլուխդ կխփես պատին ու կքանդես այն. իսկ ի՞նչ ես անելու հարևան խցում։
• Տրորված ճանապարհով մի քայլիր՝ կսայթաքես։
Թրգմ՝ Usanogh.am-ի