Ալբանիայի մայրաքաղաք Տիրանայում ընթացող ծանրամարտի Եվրոպայի առաջնությունում պայքարի մեջ մտան 102 կգ քաշային ծանրորդները: Հայաստանի հավաքականի անդամ Սամվել Գասպարյանը պոկում վարժությունում գլխավերևում պահեց 172 կգ, այնուհետ`176 կգ: Հրում վարժության ժամանակ հայ ծանրորդը երեք հաջող մոտեցում ունեցավ 208 կգ, 211 կգ և 214 կգ:
Երկամարտի 390 կգ արդյունքով Գասպարյանը գրավեց երկրորդ տեղը։ Երկամարտի 392 կգ արդյունքով չեմպիոն դարձավ Բուլղարիան ներկայացնող Դեյվիդ Ֆիշերովը:
Ավելի վաղ Հայաստանի հավաքականի կազմում Եվրոպայի չեմպիոններ էին դարձել Ռաֆիկ Հարությունյանն ու Դավիթ Հովհաննիսյանը, փոխչեմպիոն՝ Արա Աղանյանը:
Այսօր մրցահարթակ դուրս կգան նաև Արսեն Մարտիրոսյանը ու Հռիփսիմե Խուրշուդյանը։