Մարզական լրագրողների և ազգային թիմերի գլխավոր մարզիչների քվեարկության արդյունքում հայտնի են դարձել Հայաստանի 2022 թվականի «Տարվա 10 լավագույն մարզիկների» անունները, հայտնում է «Արմենպրեսը»:
Դեկտեմբերի 21-ին կայացած քվեարկությանը լրագրողներից մասնակցեցին սպորտային 15 թղթակից և ազգային ֆեդերացիաների ներկայացուցիչները:
Քվեարկության արդյունքում ձևավորվել է հետևյալ տասնյակը՝ ըստ այբբենական կարգի՝
Արթուր Ալեքսանյան` (ըմբշամարտ, աշխարհի առաջնության չեմպիոն)
Մալխաս Ամոյան` (ըմբշամարտ, Եվրոպայի չեմպիոն, աշխարհի առաջնության 3-րդ տեղ)
Հովհաննես Բաչկով` (բռնցքամարտ, Եվրոպայի չեմպիոն)
Սամվել Գասպարյան` (ծանրամարտ, աշխարհի առաջնության 3-րդ տեղ, Եվրոպայի առաջնության փոխչեմպիոն)
Արթուր Դավթյան` (մարմնամարզիկ, աշխարհի չեմպիոն, Եվրոպայի փոխչեմպիոն)
Վարազդատ Լալայան` (ծանրամարտ, աշխարհի առաջնություն 3-րդ տեղ, Եվրոպայի փոխչեմպիոն)
Արսեն Հարությունյան` (ըմբշամարտ, աշխարհի առաջնության 3-րդ տեղ, Եվրոպայի առաջնության չեմպիոն)
Անի Հովսեփյան` (բռնցքամարտիկ, Եվրոպայի չեմպիոն)
Հարություն Մերդինյան` (մարմնամարզություն, աշխարհի առաջնության 3-րդ տեղ, Եվրոպայի առաջնության չեմպիոն)
Լիլիթ Մկրտչյան (հրաձիգ, Եվրոպայի առաջնության չեմպիոն, աշխարհի առաջնության 3-րդ տեղ)
Հայաստանի 10 լավագույն մարզիկները կառավարության կողմից կստանան 5 միլիոն դրամ պարգևավճար:
