Հայաստանի ներկայացուցիչ Միլենա Խաչատրյանը (76 կգ) չեմպիոն հռչակվեց Ալբանիայի Դյուրես քաղաքում ընթացող Եվրոպայի ծանրամարտի մինչև 20 և 23 տարեկանների առաջնությունում:
Մ20 մրցաշարի կանանց պայքարում հայ մարզուհին երկամարտում գրանցեց 219 կգ (99+120) արդյունք։ Նա լավագույնն էր թե՛ պոկում, թե՛ հրում վարժությունում։
Երկրորդ տեղը գրավեց թուրք Դիլարա Ուկանը (216 կգ), բրոնզե մեդալակիր դարձավ լատվիացի Դանիելա Իվանովան (215 կգ)։
Սա Հայաստանի թիմի չորրորդ մեդալն էր երկամարտում: Ավելի վաղ Մ20 մրցաշարում չեմպիոն էր դարձել Գոռ Սահակյանը (67 կգ), իսկ Ռաֆիկ Մինասյանը (61 կգ) և Մնացական Աբրահամյանը (81 կգ) դարձել էին բրոնզե մեդալակիրներ։
