Ծանրամարտիկ Կարեն Ավագյանը դարձավ Եվրոպայի չեմպիոն

Ֆինլանդիայի Ռովանիեմի քաղաքում անցկացվող ծանրամարտի Մ20 և Մ23 տարեկանների Եվրոպայի առաջնությունում Հայաստանը նվաճել է հերթական ոսկե մեդալը։

Կարեն Ավագյանը (89 կգ) երկամարտի 360 կգ (165 կգ պոկում, 195 կգ հրում վարժությունում) արդյունքով դարձել է Եվրոպայի առաջնության հաղթող։

Ավելի վաղ ոսկե մեդալներ էին նվաճել Գառնիկ Չոլակյանը (55 կգ), Գոռ Սահակյանը (67կգ,), Ռաֆիկ Հարությունյանը (81 կգ), Կարեն Մարգարյանը (81 կգ), Լիանա Գյուրջյանը (81 կգ)։