Իրավապահ մարմինները բերման են ենթարկել երիտասարդների Մինսկի պետական լեզվաբանական համալսարանից՝ վարչական գործընթացի շրջանակում, որը կապ չունի այսօրվա իրադարձությունների հետ, հայտարարել է Բելառուսի ՆԳՆ մամուլի քարտուղար Օլգա Չեմոդանովան՝ անդրադառնալով լուրերին, թե համալսարանում ձերբակալություններ են իրականացնում հատուկջոկատայինները, տեղեկացնում է ՏԱՍՍ-ը։
Այսօր համալսարանում մի խումբ ուսանողներ երգել են «Մարսելյեզը» եւ հատվածներ կատարել «Մերժվածները» մյուզիքլից։ Դրանից հետո առանց պետհամարանիշների երեք միկրոավտոբուսներով ուժայիններ են ժամանել ու բերման ենթարկել մի քանի ուսանողի։
Բելառուսի մի շարք բնակավայրերում եւ մայրաքաղաք Մինսկում ուսանողական բողոքի ակցիաներ են անցկացվել նաեւ սեպտեմբերի 1-ին։ Ավելի քան 30 ուսանողի նկատմամբ վարչական իրավախախտման վերաբերյալ արձանագրություն է կազմվել։
Comment here
Դուք պետք է մուտք գործեք՝ մեկնաբանությունը ուղարկելու համար։