Իսպանիայի Մենորկա կղզում ապրիլի 20-24-ը կայացել է «Մենորկա Օփեն 2022» միջազգային մրցաշարը, որին մասնակցել են նաև հայ պատանի գրոսմայստերներ Շանթ Սարգսյանն ու Հայկ Մարտիրոսյանը, տեղեկացնում են Հայաստանի շախմատի ֆեդերացիայից։
Հայաստանի ներկայացուցիչները հաջող ելույթներ են ունեցել՝ կիսելով 2-4-րդ հորիզոնականները: Շանթ Սարգսյանն արդյունքում զբաղեցրել է 3-րդ, իսկ Հայկ Մարտիրոսյանը՝ 4-րդ հորիզոնականը։
Շանթ Սարգսյանը և Հայկ Մարտիրոսյանը նաև զգալիորեն բարելավել են իրենց միջազգային վարկանիշները։
Մրցաշարի հաղթող է ճանաչվել Հնդկաստանի 15-ամյա ներկայացուցիչ Գուկեշ Դոմարաջուն: Ի դեպ, նա դարձել է առաջին շախմատիստը, ով այս տարիքում ընդգրկվել է աշխարհի լավագույն 100 շախմատիստների ցանկում։
Մրցաշարի վերջնական արդյունքները՝ այստեղ։
